Vigezo na Masharti · Sera ya Faragha

Ilisasishwa mara ya mwisho: 06 October 2026

Kwa kutumia Kitabuni (tovuti, akaunti ya biashara, au kurasa za umma za wateja kama QR Menu, Duka au Booking), unakubali vigezo na masharti haya. Soma kwa makini - kama huelewi sehemu yoyote, wasiliana nasi kupitia ukurasa wa Msaada kabla ya kuendelea.

1. Kuhusu Huduma

Kitabuni ni jukwaa linalowawezesha wamiliki wa biashara kuunda na kuendesha huduma za QR Menu, Duka la mtandaoni, Uhifadhi wa meza/chumba (Booking), usimamizi wa wafanyakazi, na huduma nyingine zinazohusiana, pamoja na kurasa za umma zinazotembelewa na wateja wa biashara hizo (bila akaunti).

2. Akaunti na Wajibu Wako

• Unawajibika kutunza usalama wa akaunti yako (nywila) na shughuli zote zinazofanyika ndani yake, ikiwemo za wafanyakazi unaowaongeza.
• Taarifa unazoweka (jina la biashara, bidhaa, bei, sera za biashara yako) ni jukumu lako kuhakikisha ni sahihi na halali.
• Huruhusiwi kutumia Kitabuni kwa shughuli haramu, kudanganya wateja, au kuvunja sheria za Tanzania au nchi unamofanyia biashara.

3. Malipo na Vifurushi

Baadhi ya huduma za Kitabuni (mf. QR Menu, Duka, Booking) zinahitaji kifurushi chenye malipo ili kuzitumia. Malipo yanashughulikiwa na mtoa huduma wa malipo wa nje (kama Whop); Kitabuni haihifadhi taarifa za kadi yako moja kwa moja. Muda wa kifurushi unaongezwa kuanzia siku ulipolipa au kuanzia muda uliobaki wa kifurushi cha awali, kulingana na hali. Kama huridhiki na malipo yaliyofanyika, wasiliana nasi haraka iwezekanavyo kupitia ukurasa wa Msaada.

4. Wateja Wako na Taarifa Wanazotoa

Wateja wa biashara yako wanaweza kuweka oda, kuomba uhifadhi wa meza, au kuwasiliana nawe bila kufungua akaunti - tunahifadhi tu taarifa wanazozitoa wenyewe (jina, namba ya simu, oda) ili kukuwezesha kuwahudumia. Wewe (mmiliki wa biashara) unawajibika kutumia taarifa hizo za wateja wako kwa heshima na kwa madhumuni ya biashara yako pekee.

5. Arifa za SMS na WhatsApp

Kitabuni inaweza kutuma arifa za SMS au WhatsApp kwako na kwa wateja wako (mf. oda mpya, uthibitisho wa uhifadhi) kwa madhumuni ya kuwezesha huduma unazotumia. Gharama za mtandao wa simu zinaweza kuhusika.

6. Umiliki wa Maudhui

Picha, majina ya bidhaa, na maudhui mengine unayopakia kwenye Kitabuni yanabaki mali yako. Kwa kuyapakia, unatupa ruhusa ya kuyaonyesha kwenye kurasa za umma za biashara yako (mf. menyu ya QR Menu) kama sehemu ya huduma unazotumia.

7. Sera ya Faragha

Tunakusanya taarifa unazotupa moja kwa moja (jina, barua pepe, namba ya simu, taarifa za biashara) na taarifa za matumizi ya mfumo, kwa madhumuni ya kutoa na kuboresha huduma. Hatuuzi taarifa zako binafsi kwa watu wa tatu. Taarifa zinaweza kushirikiwa na watoa huduma tunaowategemea kuendesha mfumo (mf. mtoa huduma wa malipo, SMS/WhatsApp) kwa kiwango kinachohitajika tu kutoa huduma hiyo mahususi.

8. Kufuta Akaunti na Taarifa

Unaweza kuomba kufutwa kwa akaunti yako na taarifa zake wakati wowote kupitia ukurasa wa Msaada. Taarifa fulani zinaweza kuhifadhiwa kwa muda kwa madhumuni ya kisheria au kihasibu (mf. rekodi za malipo) hata baada ya kufuta akaunti.

9. Mabadiliko ya Vigezo Hivi

Tunaweza kusasisha vigezo na masharti haya mara kwa mara ili kuendana na huduma mpya au mahitaji ya kisheria. Tarehe ya usasishaji wa mwisho inaonyeshwa juu ya ukurasa huu. Matumizi yanayoendelea ya Kitabuni baada ya mabadiliko yanamaanisha unakubali vigezo vipya.

10. Kukopa Kifurushi (Lipa Baadaye)

Baadhi ya watumiaji wanaostahili wanaweza kuchagua "Kopa Sasa, Lipa Baadaye" badala ya kulipia kifurushi mara moja. Vigezo vifuatavyo vinatumika:

• Unastahili kukopa tu kama: umewahi kulipia huduma yoyote ya Kitabuni angalau mara 12, NA akaunti yako ina umri wa angalau miezi 6 tangu kusajili.
• Ukikopa, unapewa ufikiaji kamili wa mwezi mzima MARA MOJA, na unakubali kulipa kiasi husika ndani ya siku 12 tangu ufikiaji uanze.
• Unaweza kuwa na mkopo MMOJA TU wa kifurushi wazi kwa wakati mmoja - huwezi kukopa kifurushi/huduma nyingine mpaka deni la kwanza lilipwe kikamilifu.
• Ukikosa kulipa ndani ya siku 12, hakuna faini - lakini ufikiaji wa huduma uliyokopa unasitishwa moja kwa moja mpaka ulipe.
• Ukiwa na deni lililochelewa, huwezi kununua au kukopa kifurushi/huduma nyingine yoyote - utaelekezwa kwenye ukurasa wa kulipa deni lako kwanza.

11. Wasiliana Nasi

Kwa maswali kuhusu vigezo na masharti haya au sera ya faragha, tembelea ukurasa wa Msaada au tumia gumzo la moja kwa moja kwenye tovuti.